На почетокот на септември (03.09. 2009), на улица Републиканска во Прилеп, веднаш до црквата Св.Благовештение (поранешен Црвен крст) почна да никнува нов станбен објект. Зад новата зграда стојат здружени изведувачи, а изведбата ќе ја врши еминентната градежна фирма “Златна рака“. Се најавува дека зградата ќе биде готова до мај 2010 година. Изведувачите за сопствениците на становите обезбедија паркинг простор и по­друми. Станува збор за ексклузивни ста­нови, со парно греење, соларни сис­те­ми, пвц дограма, топол под, се што му е потребно на едно современо семејство.

          Здружените изведувачи (Диме, Илчо, Васко) ја скршија погачата, и се поклонија и ја бакнаа за брзо и лесно да порасне објектот, а сите кои ќе живеат во него да ги следи среќа и бериќет.

          Илија Сапунџиоски, со неговата сопруга и пријателите дојде да види како на местото на неговата стара куќа сега ќе никни нова современа зграда. Диме, Илчо и Васко со фрлањето на првите лопати цемент го означија почетокот на новата чети­рикатница во срцето на Прилеп.

          Новата зграда е на четири ката и во неа има вкупно осум станови. По големина има два вида на станови едните се од 64 m², а другите од 96 м². Досега се продадени една третина од становите, за информации за останатите станови заинтересираните можат да се јават на 070/075 308 396.

          Пријатели, партнери, потенцијални станари во зградата, присуствуваа на чинот на ста­ва­ње на камен темелникот. Присутните поскауваа успех и уш­те многу нови градби, а попо­вите го благословија објектот ги благословија тие што ќе го градат и тие што ќе живеат во него. Пред мајсторите на “Златна рака“ останува пред­из­ви­кот навреме да се изгради новата зграда.